Борбата за права на жените е и машка борба

0

Имам 21 година. Јас сум маж, белец, стрејт и живеам во патријархално општество. Ги имам сите бенефиции но не ги уживам. Не сакам мојот пол, сексуална определба или боја на кожа да ми бидат предност. Ниту пак сакам да бидам нешто подолу од другите во однос на правата заради истите.

Пред повеќе од година дена, нашата влада, во име на здравјето на жените, го оневозможи абортусот. Се грижиме за нивното здравје, велеа, се грижиме за наталитетот. Маж сум ама ќе кажам, фала ви ама немојте. Не можам  повеќе да читам за вести како некој жена со денови носи мртов плод во утробата заради вашата грижа за нејзиното здравје. Не се криви докторите, не ги обвинувам нив. Прават се што можам, нормално, во согласност со вашиот ептен грижлив закон и остават мртов плод во нечија утроба. Разбирам дека мораат да чекаат некој таму во министерство за здравство, седнат во некоја канцеларија,  да го стави својот потпис за конечно таа жена да биди медицински згрижена како што треба. Каде е грижата тука? Ајде, можеби жената во таков случај нема да има никаков проблем и ќе можи уште еднаш да има деца ама што прави со психолошката штета од сознанието дека носела мртов плод во себе со денови зашто некој таму министер сметал дека има право врз нечие тело?

Можеби некој ќе речи “маж си, немаш матка и затоа немаш право да зборуваш за ова”. Да – ќе одговорам – немам матка ама мојата сакана има. Мојата другарка има, мојата колешка.. За нив го пишувам ова. Како што јас сакам да имам право над сопственото тело, сакам и тие да имаат над нивното. Каде е логиката ако е обратно, ако сакам да имам права а да не дозволувам другите да ги уживаат истите права?

Лицемерие се вика тоа, драги министри и законопишувачи.

Помина законот, го изгласавте, уставниот суд рече дека насилното влегување во нечија матка е уставно.

Деновиве се открија неколку спорни дефиниции во учебници за основно образование. Се прашувам, колку ли само ве малтретирале, какво е тоа психичко насилство што ви се случило па денес ви доаѓа да правите вакви работи?

Ќе цитирам еден дел од учебник: Исфлувањето на семето во родилниот канал на женската единка се вика ејакулација.

Откако насилно влеговте во женската матка, сега се поставивте и како газди на мојот пенис, моето семе и повторно над нејзината матка. Ми кажувате како да живеам, кого да љубам, како да имам секс, ги сменивте правилата за контрацепција… Се во име на моето и нејзиното здравје, и наталитетот секако.

Сте се запрашале ли дали имате право? Не верувам.

Немате право! Немате никаков право да одлучувате за моето семе, за мојот пенис, за нејзината матка, општо за нашите тела! Дали прашавте дали сакаме да се грижите за нас? Дали се прашавте дали младите на моја возраст се спремни да бидат родители, или уште подобро прашање, дали имаат можност да бидат родители? Дали можат лесно да најдат работа? Видете, еден ден ќе бидам родител ама не додека не бидам финансиски спремен и надвор од оваа држава. Нема да бидам родител во земја каде владата се става како сопственик над моето тело и ги учи на фашистички дефиниции.

Мажи, време е да кажиме доста. Ова е и наша борба! Ова е борба за слободата и правото на сопственост над своето тело на жените и мажите. Законот за абортус не е само женски проблем. Дефинициите за ејакулација не се само женски проблем. Сменетите правила за контрацепија, не се само женски проблем. Сите овие работи се и машки проблеми.  Не погодуваат и нас, на овој или на оној начин.

Што е следно, ќе забраните кондоми или ќе вработите некого за да ги дупи со игла?

П.С. овој повик кон мажите за борба за женските права, не е дека жените се слаби да се изборат сами. Ова е зато што законот не опфаќа сите, и мажи и жени, директно или индиректно. Верувам дека не постои маж што би останал рамнодушен кон ваквите фашистички закони ако неговата сакана е директно погодена од ваков закон.

Доста ми е од конзервативизмот !!!

0

Која е потребата на некои луѓе да мислат дека имаат право да управуваат со нашите животи? Што е тоа што им дава право за да ми ја ускратуваат слободата и да мислат дека можат да ме контролираат како да дишам, да пијам, кого да сакам и што е најлошо пробуваат да ме контролираат што да учам и што да мислам. Кој им дава право да одредуваат како јас ке живеам? Јас ја сакам слободата и нема лесно да се откажам од неа.

Ми е здосадено веќе од конзервативни закони во оваа ебана вукојебина. Едноставно веќе ми е доста. Го мразам и презирам секој конзеравтивен закон исто како што почнувам да ве мразам вас. Вас што ви доаѓаат на ум таквите закони. вас изопачени, болни, психопатски умови. На што се должи таа заостанатост ви се молам? На немањето секс долго време зашто курчевото време ви поминало? или пак се должи на сексуално злоставување како деца? како и да е мора да е поврзано со секс, зашто сексот само може да полуди некого до тоа ниво како што сте вие.

Здосадено ми е од конзервативни фаци, заостанати суштества на две нозе. Здосадено ми е од глупавата кознервативност. Здосадено ми е од тоа јас, со моите либерални ставови да глумам тишина и да молчам.Зошто? затоа што моите ставови биле различни од вашите и од ставовите ба вашата религија. Здосадено ми е од вас. Најлошо од се е тоа што вие што глумите најголеми конзервативци, сте најголемите шабани во општеството.Ми глумите големи верници а скоро секој од вас има швалерка, онака за секој случај. Глумите невини а виновни сте до коска.Одвратни сте ми …

Секој закон создаден за да те ограничи а не да ја заштити твојата слобода е големо срање. Исто како вас. Тоа е така зашто се плашите од луѓе, се плашите од нивната слобода, се плашите од новата генерација. не ни дозволувате да го учиме тоа што го сакаме зашто образован човек не се контролира така лесно. Се обидувате стравот да го всадите во нашите глави. нема да ви успее. Се обидувате да не ограничите…

Кој ви го дава тоа право? пак ке ве прашам.. Што е тоа што ви дава право да ограничувате јас да пијам пиво до 7 саат? кој ви дава право да ја уништувате слободата на луѓето што сакаат либерализација на марихуаната, на геј браковите, слободата на избор на сексуалните работници?

Вие го немате тоа право. Го немате тоа право но сепак го користите тоа против нас..

Е зато јас ке ви покажам отпор. Ке се борам против вас како либертаријанец и како човек.

Ке ставам крај на едно конзервативно општество заостанато во среден век..